Die ältesten Regeln mittelalterlicher Hospitäler · die Hospitalregel-Texte:
 Aardenburg, Hospital S. Jan, Conventus et consensus, 1258.06.27 
"Uebereinkunft zwischen dem Bischof von Tournay und den Schöffen von Ardenburg (Rodenburg), betreffend die Ernennung von vier Verwaltern im Hospitale dieser Stadt. Im Juni 1258" (Warnkönig)

⁋Walterus Dei gratia Tornacensis episcopus et scabini de Rodemburg¶ ⁋universis presentes litteras visuris salutem in domino sempiternam¶ ⁋Noverit universitas vestra quod cum inter nos episcopum et scabinos praedictos ad invicem esset dissentio super statu et administratione hospitalis sancti Johannis in Rodemburch ac quibusdam aliis rebus et causis ad ipsum hospitale spectantbus prout inferius sequetur conventum est et consensum¶

⁋Quod scabini de Rodenburch possint ponere septem personas utriusque sexus tantum qui in hospitali sancti Johannis ejusdem loci de bonis domus ejusdem victum habeant absque vestitu et conteneantur agere negotia domus pro sua possibilitate secundum quod eis fuerit injunctum ab administratoribus domus Et quandocumque bona ejusdem hospitalis fuerint augmenta ta usque ad valorem decem librarum annui redditus et hoc constiterit domino episcopo Tornacensi vel illi cui commiserit quantum ad hoc vices suas vel per scabinos ejusdem loci vel per litteras eorumdem poterunt dicti scabini addere unum pauperem dictis septem personis ut in hunc modum poterunt semper addere numero praedicto unum pauperem augmentis bonis dictae domus usque ad summam decem librarum annui redditus memoratam

Item consensum est quod dominus episcopus debet ponere duos probos viros sive clericos sive laicos et scabini similiter duos qui habebunt adminstrationem temporalicum dicti hospitalis et etiam eandem administrationem poterunt committere alii cui viderint expedire et illi quatuor simul quandocumque voluerint audient computationem bonorum et statum domus in temporalibus et poterint corrigere quod viderint corrigendum circa dictam administrationem temporalium et amovere illum cui commiserint dictam administrationem et alium loco ejus subrogare quandocumque hoc viderint expedire Positos etiam pauperes per scabinos si deliquerint poterunt dicti quattuor punire secundum quantitatem excessum suorum sive ejiciendo eos a domo imperpetuum sive ad tempus vel aliam poenam infigendo prout viderint expedire¶

⁋Item consensum est quod tantum sex personae sive fratres sive sorores recipiantur in dicta domo sub habitu religioso quae vestiri debent per dominum episcopum Tornacensem vel ejus vices gerentem in spiritualibus dictae domus et professionem ibidem facere Et debent eligi fratres et sorores per fratres et sorores dictae domus qui pro tempore fuerint et per illos quattuor qui ponentur per dominum episcopum et per scabinos de Rodemburch ad procurandum bona temporalia ipsius domus Et si dicti quattuor cum fratribus et sororibus non possent in electione alicujus fratris vel sororis concordare dicta discordia sopiri debet per decem scabinos qui ad hoc eligentur a scabinis de Rodemburch et per illum quem dominus episcopus ponet loco sui ita quod dicti undecim sub suo juramento debeant talem personam eligere in fratrem vel sororem ejusdem domus Et si essent discordes dicti undecim in electione alicujus personae standum erit finaliter majori numero dictorum undecim Item administrator dictae domus positus a dictis quattuor non poterit contrahere debitum sive simul sive per partes excedens summam quadraginta solidorum nec vendere de bonis dictae domus ultra summam memoratam nisi de consensu dictorum quatuor Immobilia autem sive hereditates dictae domus nec ipsi quatuor nec alii vendere poterunt nec alienare sine licentia domini episcopi speciali

Omnia autem spiritualia dictae domus ad dominum episcopum solum pertinebunt

Si qua autem discordia circa administrationem temporalium inter dictos quatuor administratores orta fuerit terminabitur per dictos decem scabinos et illum qui vices gerit domini episcopi vel per majorem partem eorumdem

Et ut haec omnia in posterum inviolabiliter observentur praesentes litteras sigillorum nostrorum muniminibus duximus roborandas Datum et actum anno Domini MCCLVIII feria tertia ante nativitatem beati Johanis Baptistae