Die ältesten Regeln mittelalterlicher Hospitäler · die Hospitalregel-Texte:
 Gent Lepr GdM 

⁋Walterus Dei gratia Tornacensis Episcopus universis præsentes Litteras inspecturis salutem in Domino

Cum plurimæ traditiones plurimas faciant transgressiones nos uni Sententiæ S Jacobi inhærentes qua dicitur Religio munda et immaculata est visitare pupillos et viduas in tribulatione eorum et immaculatum se custodire ab hoc sæculo summam Religionis consistere arbitramur in fovendo personas miserabiles humano auxilio destitutas maxime quas Dominus probat in camino paupertatis et in fornace tam contagiosæ ægritudinis ut merito propter illam mandato Legis præcipianture ab aliorum consortio separari Sane cum intelleximus in Domo Leprosorum de Gandavo erga huiusmodi miserabiles personas tam virorum quam mulierum ibidem Deo et pauperibus Leprosis suis deservientium plurimum fervere devotionem et affectum eas in nosta protectione suscipientes nihil eis amplius oneris duximus imponendum nisi quod corporales continentiam propriorum abdicationem et habitum religiosum et oboedientiam Magistri Domus tenentur generaliter observare Haec autem quattuor Fratribus et Sororibus ejusdem Domus pro Regula vivendi decrevimus observanda Cetera quæ emergunt in excessibus corrigendis reliquimus in discreta dispositione Magistri Domus itatamen quod majores excessus qui regulares observantias contingent ad Episcopum referantur In hujus rei testimonium et firmitatem præsentes litteras scribi et sigilli nostri appensione fecimus communiri bonas consuetudines prædictæ Domus et approbatas præsentium auctoritate nihilominus confirmantes Actum Gandavi anno Domini MCCXXXVI feria sexta post Festum S Martini