Die ältesten Regeln mittelalterlicher Hospitäler · die Hospitalregel-Texte:
 Abbeville, S. Nicolas, Regula et ordo, 1243.04 
Bf. Arnulf von Amiens bestätigt dem Meister, den Brüdern und Schwestern des St.-Nikolaus-Hospitals in Abbeville regulam et ordinem, die sie angenommen haben.

⁋Arnulphus diuina permitione ambiensis ecclesie minister humilis¶ ⁋vniuersis christi fidelibus presentis pagine inspectoribus salutem in domino¶ ⁋Cum ex commisso nobis pastoralis officii talento super gregem nobis creditum assidue et instanter reticamur uigilare et uniuersis et singulis sumus debitores in christo precipue tamen religionis personis et mundo renuntiantibus debemus prouidere Vt sicut seculo et actibus secularibus non emisso et habitu religionis assumpto renuntiauerint exterius Ita quoque christum operibus sanctis et obedientie nexibus astricti et christianam fidem interius immitentur¶ ⁋Vestris igitur iustis postulationibus grato concurrentes assensu regulam et ordinem quem uoluntate et habitu assumpsistis Tu magister hospitalis beati nicholai de abbatisuilla et uos fratres et sorores eiusdem domus episcopali auctoritate imperpetuum confirmamus Quedam pro utilitate domus uestre de nouo proinde statuentes quedam uero de sanctorum patrum antiquatis regulis et aliorum ordinum institutionibus approbatis adiungentes et ut regulam diligentius obseruetis uobis in remissionem peccatorum uestrorum iniungentes

Ne igitur ultra modum in multitudinem fratrum uel sororum ibidem cohabitantium eadem domus honeretur proinde statuimus ne ultra quam duo presbiteri talis etatis qui ydonei sint ad diuina celebranda et unus clericus actus et habilis ad ordinandum in ea recipiantur nec unquam numerum istum de cetero simul excedant et iiiior conuersi laici tantum ibidem ualeant admiti et quinque sorores tantum que talis sint et tam fortes quod officia domus competenter ualeant exercere Nec aliqu numerus iste excedatur Ita tamen ut cum aliquis in utroque sexu recipi debuerit in habitu seculari per annum probetur et anno elapso in conspectu uniuersitatis fratrum et sororum ei ordo domus exponatur et si ei placuerit et domui similiter ut remaneat et se promiserit ordinem obseruaturum de consensu uniuersitatis uel partis sanioris in collegium domus recipiatur Ita tamen quod tria uota uidelicet ob edientie castitatis et renuntiationis proprietatis humiliter emittat et quod sine licentia magistri nichil recipiet uel habebit uel alii donabit fideliter promittat et tunc demum flexis genibus deuote et humiliter inmanus magistri inosculo pascis recipiatur Verumptamen nullus uxoratus cum uxore sua simul recipiantur Siquis ingredi in domum uoluerit antequam induatus habitu religionis istius iurabit quod nec per se uel per alium dederit aut promiserit aut indebitum seruitium fecerit per quod istius domus ingressum sperauerit obtinere /Hec sunt precepta/ Deum time et mandata eius obserua super omnia diligatur deus Vnanimes habitetis in domo et sit uobis cor unum et anima una in deo et non dicatur aliquid proprium sed sint uobis omnia communia et distribuatur unicuique uestrum a magistro uestro uictus et tegumentum non equaliter omnibus quia alius alio infirmior sed iuxta sententiam actuum apostolorum prout unicuique opus fuerit Vnus ex presbiteris eligatur in magistrum communi assensu capituli uel partis sanioris cui omnes obediant in christo Ipse uero magister nichilominus domino episcopo tanquam patri ac domino suo tenebitur obedire De consilio autem magistri et partis sanioris capituli procurator exteriorum siue uir siue mulier eligetur et nummos custodiet si tamen ydoneus fuerit uel ydonea alioquin alia persona eligatur ad hoc ydonea Similiter de consilio fratrum magister una de sororibus instituat qui uiderit magister ydoneam et honestam que presit sororibus et ancillas et eas ordinet ad seruitium pauperum et disciplinet et hec poterit loqui inmensa de necessariis et cum silentio Computabitur autem septies in anno ad minus de expensis et receptis omnibus coram magistro et consilio domus magister et procurator domus nichil grande agant nisi de communi consilio domus ut pote hereditatem uendere emere seu alienare uel aliquid de nouo edificare seu quempiam infirmum uel sororem recipere Item uestitus fratrum et sororum sit humilis ex simplici lana sine aliqua tinctura Quilibet fratrum uel sororum tunicam et capam habeat cum capulario inquo crux uiridis assuatur ut iugem habeat memoriam de christi passione et ut ad seruitium pauperum fiat deuotior Quicumque frater uel soror recipiet noua indumenta ad dispositionem magistri reddat uetera tunicam pro tunica capam pro capa et sic de aliis Omnes fratres et sorores in domo commorantes ad matutinas et ad missam et ad uesperas omni postposita occasione singulis diebus conueniant nisi corporali egritudine uel ex precepto obedientie uel infirmorum necessitate detineantur in ecclesia nullus frater uel soror dum diuina celebrantur officia loqui audeat preterquam de hiis que ad orationem et ad cultum dei pertinere noscuntur Quilibet frater uel soror orationem dominicam salutationem beate uirginis et simbolum scire tenentur Quicumque horas canonicas nouerit siue clericis siue laicis fuerit eas horis statutis persoluat et maxime sacerdotes nam cum ceteris poterit de stutis horis ad consilium magistri dispensari Qui uero nouerit horas beate uirginis marie eas decantet Qui tamen scierit vii psalmos penitentiales eas decantet pro matutinis Inprincipio dicat Domine labia mea aperies et os meum annuntiabit laudem tuam Deus in adiutorium meum intende etc Gloria patri Sicut erat a...a si sit septuagesima Laus tibi domine etc et tunc dicat vii psalmos si illos nouerit Si non vii miserere mei deus Si autem non nouerit istum psalmum dicat xxu pater noster cum totidem aue maria In dominicis autem diebus et festiuis dupplicabuntur et infine dicet per dominum nostrum iesum christum filium tuum qui tecum uiuit et regnat per omnia secula seculorum amen Domine exaudi orationem Et clamor mea benedicamus domino Deo gratias Fidelium anime per m dei re inpace amen Pro prima et qualibet hora exceptis uesperis dicet semel psalmum miserere mei deus Si autem nescient hunc psalmum dicet vii pater noster cum totidem aue maria ordine quo supra pro uesperis dicet xiiii pater noster cum totidem aue maria ordine quo supra et hii premittant ad matutinas ad primam et ad complectorium credo in deum Hoc autem caueatur omnino ut nullius interrumpat orationes suas loco horarum canonicarum constitutas nisi ex precepto obedientie uel infirmorum necessitate cogente quod si fecerit confiteri tenebitur Ignis sit semper ante altare et sacrosanctum corporis christi Presbiter cum clerico cum pergit ad communicandum uel ad inungendum infirmos alba ueste induantur et eundo et redeundo semper psalmos decantent ad exemplum et ad excitandam deuotionem circumastantium Singulis septimanis adminus semel capitulum teneatur die et hora qua magister domus uiderit expedire Hic autem ante magistrum sese accusent de omnibus offensis et clamoribus inordinatis et uerbis occiosis et nociuis et hec agant zelo iustitie et fraterne dilectionis affectu quod si humiliter fecerint facile coram deo et hominibus ueniam consequentur alioquin siquis ab aliis accusatus fuerit et conuictus pene grauiori subiacebit in pane et aqua ieiunabit et ad terram nudam sine mensa et mappa manducabit quousque arbitrio magistri competenter satisfecerit Cum eo autem qui penitentiam agit nullus loquitur nisi qui eu seruierit et qui pro necessitate corporis et anime ad eum missus fuerit Siquis autem clamorem in se ...